ڕۆمانی”موبی دیک” بە زوان گۆران
ڕۆمانی”موبی دیک” بە زوان گۆران

ئەمن بە زوان فیلسوفەکان و عارفەکان مەنویسونە. ئەمن بە زوانو شانامەی گۆرانی و خودای نامەکان حەکایەت مەڕنگنونەوە. ئەمن سوارو کەشتیو مەولەوی، بێسارانی، سەیدی، خانای قوبادی، شا خوشینی، خاتو مەی زەردێ، بابا قەیسەری، پیر خالق ئەردەبیلی، پیر مەحمود بەغدادی، پیر مالکی گۆران، پیر قوبادی دێوانە، پیر موسای شامی، پیر قابیلی سەمەرقەندی، پیر هەیاس مەغرێبی، پیر تایێری […]

ئەمن بە زوان فیلسوفەکان و عارفەکان مەنویسونە. ئەمن بە زوانو شانامەی گۆرانی و خودای نامەکان حەکایەت مەڕنگنونەوە. ئەمن سوارو کەشتیو مەولەوی، بێسارانی، سەیدی، خانای قوبادی، شا خوشینی، خاتو مەی زەردێ، بابا قەیسەری، پیر خالق ئەردەبیلی، پیر مەحمود بەغدادی، پیر مالکی گۆران، پیر قوبادی دێوانە، پیر موسای شامی، پیر قابیلی سەمەرقەندی، پیر هەیاس مەغرێبی، پیر تایێری ئەسپەهانی، پیر سادێقی مازیندەرانی، پیر نەجمەدینی پارسی، پیر نادری قەرەپاپاقی، کاکە عەرەبی، پیر تامازی کرمانی، میرزا مستەفا دڵ دڵی، سادق سەفاخانەیی، پور فەرەیدون شیرازی، خانو ئەردەڵانی، هەڵو خانی، ئەڵا موراد هەرسێنی، شێخانو تەختەی(وەسیم و نەسیم و جەسیم و موستەفا و ئەحمەد)، جەلالە خانمێ، دایە خەزان سەرگەتیێ، لزا خانم جافێ، پیر بنیامین، پیر داودی و سانو سانان سان سەهاکی مەبونە.
ئەمن سوارو ئی کەشتی بیەنان. کەشتیێوی گەورە، کەشتیێوی گەورە. منەتەشان مەکێشونە سوارشان کەردەنان. ئەمن بە ئێحتراموە “موبی دیکشان” مەوانونەوە پەی. گۆش مەگێرانە پەیم هەر چەندە دەریاو” ئوتە نەپیش تیمی” و گیواوی جاوێدان دایمە مەوزۆشان وادی بەونێوە ئەوەڵ و

داستانەکێ بکۆرنونەوە:

واوەی: هەر پاسە کە ئارامێش جە قەراری دیارەنە وەر جە تۆفانی مەینە و ئەچادی خەبەر مەدۆنە، ڕەنگا سامدارتەر جە تۆفانەکەی ببۆنە؛ چونکای ئارامێش بێجگەم تان و پۆ تۆفانی نیەن؛ وە ئادش گێرتەننە دلێو وێش، عەینو تفەنگێوی زاهێرەن بێ خەتەری کە باربەرو باروت و ساچمەی ژاراوی و ئنفێجاریەن؛ هەر پاسە ئەهوەنیو خەڵەتنەرو تەنافێ کە، وەر جە یاوای بە ڕەزمگای، دەور تا دەورو پارو شانی ئارام و بێدەنگ مەپێچیۆنەـ وە ئی چێوەنە کە، فرەتەر ئەچی ڕەزمگا خەتەرناکەیە، باربەرو وەحشەتیەن. بەڵام فرەتەر ئەچینەی واتەی دەی چی؟ دماینەو بەشەرەکان پێچیا ئەو تەنافەو واڵگیریوە مەژیوان.
دمایۆ بە تەنافەو داریوە بە دەورو ملیشانوە جە ئەدای مەبان. بەڵام نۆبەتو مەرگی کە مەیاوۆنە و کتوپڕ و وەحشی تەور یەخێو ئادەمیزادی فانی مەگێرۆ، ئەرێ تازە ئا وەختەنە مەیاوۆنە بە خەتەرە بێدەنگ و زەریف و هەمیشە حازرەکانو ژیوای. وە ئەر فیلسوفێ بیمێ، چە دلێو قایێقو واڵگیرینە نیشتێ بیمێرە و چە ڕو بە ڕو ئایێرێوی وێرەگانەی و پاڵو دەسیچماننە، جیاتیو زوبینی، سێخو سۆبەی ببۆنە، وەحشەتێو کە بە دڵ ئێحساسش مەکەرمێ یۆن و فرە و کەمش نیەن.
  • نویسنده : مەحمود قادری